Монгол Улсын Ерөнхийлөгчийн 2021 оны ээлжит сонгуулийн бэлтгэл ажлын явц, зохион байгуулалтын талаар Сонгуулийн ерөнхий хорооноос мэдээлэл өглөө.
СЕХ-ны дарга П.Дэлгэрнаран: Ерөнхийлөгчийн сонгууль хоёр шаттай байдаг. Эхний санал хураалтаар аль нэг нэр дэвшигч олонхийн санал авч чадахгүй бол хамгийн олон санал авсан хоёр нэр дэвшигч хоёр дахь шатанд үлддэг.
Ингээд СЕХ 14 хоногийн дотор шийдвэр гаргаж санал хураалтыг зохион байгуулна. Хоёр дахь шатанд гарах зардлыг улсын төсвийн нөөцийн хөрөнгөөс зарцуулах хуультай. Хэрэв хоёр дахь шатны сонгууль явагдвал 8 орчим тэрбум төгрөг зарцуулагдана гэсэн тооцоо судалгаа гарсан. Гэхдээ бид сонгогчиддоо итгэж байгаа. Энэ удаагийн сонгуулийн нийт батлагдсан төсөв 26.9 тэрбум төгрөг учраас эдийн засаг хүндэрсэн энэ үед бүгд сонгуульдаа идэвхтэй оролцож, дахин сонгуульгүйгээр Ерөнхийлөгчөө сонгоно гэж найдаж байна” гэлээ.
Сэтгэгдэл бичих