Хүнд хэлбэрийн хавдартай Э.Ананд хүүгийн эмчилгээний зардалд бүрдэж, БНСУ-ыг зорих гэж байна. Түүний эмчилгээний зардал болох 380 сая төгрөг бүрдсэн гэж эх сурвалж мэдээллээ.
Бяцхан хүү Э.Ананд өнгөрсөн гуравдугаар сарын 30-нд нурууны нугалмуудын түвшинд 11.8 см, хэвлийн хөндийн зайруу 1.7см Х 6.8см хэмжээтэй түрж ургасан хүнд хэлбэрийн хавдартай болох нь тогтоогдсон. Хүүг Монголд эмчлэх боломжгүй бөгөөд БНСУ-ын “Soon Chun Hyang Seoul University Hospital” эмнэлэгт эмчлүүлэхээр зорьж буй.
Энэ талаар түүний ээжээс тодруулахад “Хагалгааны 380 сая төгрөг бүрдэж бид хоёр БНСУ-ыг зорихоор Чингис хаан нисэх онгоцны буудал дээр байна. 10:40-д ниснэ. Хүүгийн эмчилгээ 6 сараас нэг жилийн хугацаанд үргэлжилнэ. Хагалгааны дараа туяа, физик, нөхөн сэргээх эмчилгээ гэсэн дарааллаар явах тул удах байх. Хүүд минь тусалж хандив өгсөн Монголынхоо ард түмэнд баярлалаа” гэв.
Ананд хүүгийн ээжийн дансанд нийт 398 сая 164 мянган төгрөг цугларчээ.
Сэтгэгдэл бичих