Хөвсгөл аймгийн Цэцэрлэгт суманд kopoнaвиpycийн халдварын тохиолдол батлагдсантай холбоотойгоор ойрын болон дам хавьтлууд, төрийн албан хаагчдыг PCR шинжилгээнд хамруулж байгаа юм.
Сүүлийн 24 цагийн хугацаанд тус аймагт нийт 375 хүнд kopoнaвиpycийн халдвар илрүүлэх PCR шинжилгээг хийлээ. Ингэхэд Мөрөн болон бусад сумаас тандалтын зорилгоор 317 иргэнээс авсан сорьцод эерэг тохиолдол бүртгэгдээгүй байна. Харин Цэцэрлэг сумын 58 иргэнээс PCR шинжилгээ авахад гурван хүнээс kopoнaвиpycийн халдвар илэрсэн байна. Ингэснээр Хөвсгөл аймагт kopoнaвиpycийн батлагдсан тохиолдол 10 боллоо.
Аймгийн Эрүүл мэндийн газар болон Зоонозын өвчин судлалын төвийн хамтарсан баг ажиллаж Цэцэрлэг суманд тандалтын үйл ажиллагааг явуулж ойрын болон дам хавьтлыг тогтоож бүрэн хяналтад авлаа. Батлагдсан тохиолдлуудын хавьтлын судалгаа үргэлжлэн хийж байгаа аж.
Сэтгэгдэл бичих