Засгийн газрын ээлжит хуралдаан боллоо. Өнөөдрийн хуралдаанаар цаг үеийн асуудлуудлаас гадна улс орон даяар тогтоогоод буй хөл хориотой холбоотойгоор иргэн, өрх, аж ахуйн нэгжийг эдийн засгийн эрсдэлээс хамгаалах талаарх эдийн засгийн бодлогын чухал шийдвэрүүдийг гаргалаа.
Засгийн газрын ээлжит хуралдаанаас банк бус санхүүгийн байгууллага, хадгаламж зээлийн хоршоо зэрэг барьцаалан зээлдүүлэх үйлчилгээний зээлийн хүү, төлбөрийн хугацааг энэ сарын 1-нээс эхлэн ирэх 2021 оны долдугаар сарын 1 хүртэл хойшлуулах шийдвэр гаргажээ. Тодруулбал иргэд банк бус санхүүгийн байгууллага, хадгаламж зээлийн хоршоо зэрэг байгууллагаас авсан зээлийн хүү, үндсэн төлбөрийг төлж чадахгүй байгаа тохиолдолд тухайн байгууллагадаа хандан гэрээндээ шинэчлэл хийж ирэх оны 7 дугаар хүртэл хойшлуулах боломжтой боллоо.
Сэтгэгдэл бичих