Коронавирусийн халдвар авсан жолооч, түүний гэр бүлийн гурван гишүүн халдвар авсан нь тогтоогдоод буй. Мөн тэдний ойрын хавьтал болох 73 хүнийг ХӨСҮТ-д тусгаарлан шинжилгээ авсан талаар бид өмнө нь мэдээлсэн.
Тэдний шинжилгээний хариу өнөөдөр буюу 2020 оны арваннэгдүгээр сарын 12-ны өдрийн 12:00 цагт гарах аж. Мөн дам хавьтлын хүмүүсийг судлан тогтоож, шаардлагатай арга хэмжээнүүдийг авч байна.
Гамшгаас хамгаалах бүх нийтийн бэлэн байдлын тав хоногийн хугацаанд халдвар авсан тухайн иргэний ойрын болон дам хавьтлын 3,500 орчим хүнд шинжилгээ тандалт судалгааг бүрэн хийж, хариу арга хэмжээг авч, тархалтыг бүрэн хянаж чадна хэмээн УОК тооцож байгаа талаар Засгийн газрын Хэвлэл мэдээлэлтэй харилцах хэлтсээс мэдээлэв.
Сэтгэгдэл бичих