Ховд аймгаас Улаанбаатар хотын чиглэлд зорчиж явсан автобусаар 73 ширхэг тарваганы лаазалсан мах оруулахаар завдсаныг илрүүлж Цагдаагийн байгууллагад шилжүүлсэн байна.
Авто тээврийн шалган нэвтрүүлэх товчоодод эргүүл, хяналтын 24 албан хаагч Цагдаагийн байгууллагатай хамтран 24 цагаар хяналт тавин ажиллаж байна. Он гарсаар Нийслэлийн авто тээврийн товчоодоор 1.264.145 авто машин шалгаж нэвтрүүлжээ. Энэ хугацаанд нүүрс тээвэрлэх зөвшөөрөлгүйгээр Улаанбаатар хот уруу нэвтрэхийг завдсан 197 тн түүхий нүүрсийг улсын байцаагчдын 25 актаар хураан ‘Амгалан’ дулааны станцид хүлээлгэн өгч, зөрчил гаргасан иргэдэд торгуулийн арга хэмжээ авсан байна.
Мансууруулах, сэтгэцэд нөлөөлөх төрлийн ургамал буюу 1.9 кг канабис тээвэрлэсэн зөрчлийг илрүүлж Цагдаагийн байгууллагад шилжүүлжээ.
Мөн урьдчилан сэргийлэх хяналт шалгалтын хүрээнд 133 ширхэг тарваганы нойтон тулам, арьс тээвэрлэсэн зөрчлийг илрүүлэн ‘ЗООНОЗ’ Өвчин судлалын үндэсний төвд хүргүүлсэн. Зохих зөвшөөрөлгүй тээвэрлэсэн тул загас 3, ленок, цурхай загас 2, чонын арьс, эд эрхтэн 1, загас 5, зэрлэг гахайн бүтэн мах 1, Алтайн хойлог шувуу 6, ятуу 1, шар үнэг 1, туулай 1, бугын чив 5, тэхийн эвэр 13 хос, аргалийн эвэр 1 хос, өнгөт чулуу, 2 шуудай Алтан гагнуур, 20 тн Монгол Алтайн барагшун, 30 шуудай хонин арц ховор ургамал, түлээний мод 8.5м3, 7м3 хэрэглээний мод, 12 шуудай алтны судалтай шороо, галт зэвсэг 4 ширхгийг илрүүлэн хураан авч, Зөрчлийн тухай хуулийн дагуу 5700.0 мянган төгрөгийн торгууль, 33200.0 мянган төгрөгийн нөхөн төлбөр ногдуулсан аж.
Түүнчлэн мансууруулах, сэтгэцэд нөлөөлөх төрлийн ургамал буюу 1.9 кг канабис тээвэрлэсэн зөрчлийг илрүүлж Цагдаагийн байгууллагад шилжүүлжээ.
Эх сурвалж: Нийслэлийн Мэргэжлийн Хяналтын газар
Сэтгэгдэл бичих