Наймдахь парламентын эмэгтэй гишүүд бүлэг болон ажиллахаар боллоо. Бүлгийн даргаар УИХ-ын гишүүн, ЗГ-ын гишүүн БОАЖ-ын сайд Д.Сарангэрэл ажиллана. Эмэгтэй гишүүдийн бүлэг нийгэмд тулгамдаж байгаа асуудлыг нийтээрээ хэлэлцэж, шийдвэрлэх юм байна.
Үүний дагуу тулгамдаж буй 10 гаруй асуудалд анхаарч багаараа ажиллахаар төлөвлөж байгаа бөгөөд зөвхөн эмэгтэйчүүд бус нийгмийн өмнө тулгамдаж буй асуудалд анхаарлаа хандуулж, тэдгээрт тодорхой шийдэл, үр дүнд хүрнэ гэдгээ илэрхийлж ажлын хүрээнд амжилттай хэрэгжиж байгааг дуулгалаа.
Үүнд:
БШУЯ-ны 2020-2021 оны хичээлийн жилд 309,670 хүүхэд цэцэрлэгт хамрагдахаар байгаа бөгөөд үүний 77,235 нь цэцэрлэгт шинээр элсэх хоёр настнууд юм. Тэгвэл Ковид-19 цар тахлаас үүдэж 2 насны хүүхдийг цэцэрлэгт хамруулахгүй байх шийдвэр гаргасан.
Тодруулбал, 2 настай хүүхэдтэй 70 гаруй мянган ээж байгаа, тэдний хөдөлмөрийн асуудалд хүндрэл учирч байгаа учраас ‘Хүүхэд харах үйлчилгээ’-г үргэлжлүүлэх нь зүйтэй гэсэн асуудалд эмэгтэй гишүүд санал нэгдэж төсвийн тодотгол хэлэлцэж буй энэ үед уг үйлчилгээг хэрэгжүүлэхэд шаардлагатай 2,5 тэрбум төгрөгийг тодотголд суулгаж тодорхой үр дүнд хүрч байна гэв.
Гишүүд бүр өөрсдийн судлаж буй чиглэлийн дагуу ахлаж ажиллах зохион байгуулалтанд орсон. Ажлын хүрээнд голлож буй 10 гаруй асуудал байгаа бөгөөд дурдвал…
- ‘Архидалттай тэмцэх’ чиглэлд санаачлага гаргаж ажиллана. Энэ чиглэлээр хуульд нэмэлт өөрчлөлт оруулах бөгөөд ажлын хэсэг гаргаж хуулийн төсөл дээр ажиллана…
Парламентын эмэгтэй гишүүд шинэ дээрээ тунчиг идэвхтэй ажиллаж байгаа нь саашайлтай.
