Шинэ Зеланд улсын ерөнхий сайд Жасинда Ардерн сонгуулиа дөрвөн долоо хоногоор хойшлуулж байгаагаа өнөөдөр зарлалаа. Учир нь тус улсын хамгийн том Оаклендад 49 хүн халдвар аваад байна.
Өнгөрсөн долоо хоногт Оакленд хотод вирус дэгдэсний дараа сөрөг хүчнийхэн сонгуулийг хойшлуулж, хоёр долоо хоног хөл хорио тогтоох хүсэлт тавьж, сурталчилгааны ажлаа зогсоосон юм. Эрх баригчдын зүгээс тархалтыг хязгаарлаж чадсан, шинэ тохиолдол нэмэгдэхгүй хэмээн мэдэгдэж байна.
Шинэ Зеланд улс вирусийн тархалтыг хязгаарлаж, зоогийн газар, сургуулиуд үйл ажиллагаагаа явуулж, хэвийн байдалд шилжээд байсан юм. Тус улс үндэсний хамгийн том сонгууль есдүгээр сарын 19-нд болох байсан ч аравдугаар сарын 17 хүртэл хойшиллоо. Шинэ Зеландын хуулинд зааснаар сонгуулийг хоёр сар хүртэлх хугацаагаар хойшлуулах боломжтой байдаг ба вирусийн тархалт өндөр байсан ч дахин хойшлуулахгүй гэдгээ мэдэгдлээ.
