Өмнөд Солонгос улсын алдарт BLACKPINK хамтлагийг мэдэхгүй хүн цөөн биз ээ. Олон хоногийн туршид тэдний шинэ уран бүтээлийн хамтрагч хэн болохыг шүтэн бишрэгчид нь чих тавин нилээдгүй хүлээлтийг үүсгээд байсан билээ.
Гаргасан дуу бүр нь Дэлхий дахинд алдаршиж, YouTube сувагт үзэгчдийн дээд амжилтыг тогтоож амжилттай яваа уг хамтлагийн шинэхэн уран бүтээлд нь дуучин Ариана Гранде (Ariana Grande) хамтран ажиллана гэдэгт фенүүд нь тун итгэлтэйгээр санал дэвшүүлж байсан билээ.
Харин энэ өдөр Америкийн алдарт дуучин Селена Гомез өөрийн твиттер хуудсандаа BLACKPINK хамтлагтай хамтарч дуу хийсэн гэдгээ албан ёсоор мэдэгдэж твиттер хуудсандаа жиргэсэн байна. Ийнхүү тэд 08-р сарын 28-ны өдөр сонсогчиддоо дуугаа цацаж тэсрэлт хийхээ мэдэгдлээ.
АНУ-д дээгүүр тооцогдох дуучид болох Dua Lipa, Lady Gaga нартай гаргасан дуу нь одоо ч хүмүүсийн сонсох дуртай дуу хэвээр. Ингээд тэдний дараагийн гал гаргасан дууг хүлээх л үлдээд байна.
