Жил бүрийн наймдугаар сарын 12-ны өдрийг 2000 оноос хойш эхлэн ОЛОН УЛСЫН ЗАЛУУЧУУДЫН ӨДӨР болгон НҮБ-ын Ерөнхий ассемблей-с тэмдэглэж байхаар зарлажээ. Энэ өдөр дэлхийн өнцөг булан бүрд залуучууд болон бие даасан залуучуудын байгууллагууд хамтран улс орныхоо эдийн засаг, улс төр, нийгмийн амьдрал ба үйл ажиллагаанд идэвхитэй оролцох нь чухал болохыг ярилцдаг байна.
Энэ жилийн Олон улсын залуучуудын өдрийн уриа нь ‘Дэлхийн үйл хэрэгт залуусын оролцоо’ гэсэн сэдэвтэй.
Тус урианы хүрээнд залуусын оролцоог орон нутаг, улс орон, бүс, дэлхийн хэмжээнд тодорхойлж, нийгмийн олон талт бүтэц үндэсний хэмжээнд түгээмэл оролцох боломжийг нэмэгдүүлэхийг зорьж байна. Мөн улс төрийн тогтолцоон дахь тэдний албан ёсны байгууллага, төлөөлөл болон оролцоог сайжруулахад төвлөрчээ.
Энэ жилийн Олон улсын залуучуудын өдрөөр хоорондоо харилцан хамааралтай доорх чиглэлд залуучуудын оролцоог чиглүүлэхэд анхаарлаа хандуулж байна.
Үүнд:
Орон нутгийн түвшний оролцоо/олон нийтийн түвшинд татан оруулах,
Үндэстний түвшний оролцоо/ хууль тогтоомж, бодлого боловсруулах, хэрэгжүүлэх,
Дэлхийн түвшний оролцоо буюу Тогтвортой хөгжлийн зорилтуудыг хангах, COVID-19 цар тахал болон цаг үеийн өөрчлөлт зэрэг томоохон үйл явцад оролцох.
