Монгол Улсын 2020 оны УИХ-ын сонгуулийн санал хураалт үргэлжилж байна. Ерөнхий сайд У.Хүрэлсүх дөнгөж сая саналаа өглөө.
Тэрбээр монгол түмэндээ хандаж “Өнөөдөр ард түмний минь баярын өдөр. Сонгох, сонгогдох эрхээ эдэлж байна. Сонгууль амжилттай сайхан үргэлжилж байна. Ард иргэд сонгуульдаа идэвхтэй оролцож байгаа юм байна. Сая надад хэллээ, иргэдийн идэвх өмнөхөөсөө хамаагүй сайн байна гэж.
Шинэ мянганы хүүхдүүд анхны сонгуулиа өгч буйгаараа онцлогтой. Төрийн эрх барих дээд байгууллагаа сонгоно гэдэг төрөө төвнүүлж байгаа гэсэн үг. Монгол түмэн нэн ялангуяа залуус маань саналаа идэвхтэй өгөөрэй. УИХ-ын сонгуульд нэр дэвшсэн бүх нам, эвсэл, нэр дэвшигчдэд амжилт хүсье. Сонгууль ямар нэгэн будлиан, маргаангүй, шударга болох болтугай. Босъё, тэмцье, сонгуулийн үр дүнг хүлээн зөвшөөрөхгүй гэдэг хандлага Монголын ард түмэнд байхгүй гэдэгт итгэлтэй байна. Долдугаар сарын 1-нд юу болсныг бид мэднэ, таван сайхан залуу өөд болсон. Энэ хар түүх давтагдах учиргүй” гэлээ.
