Өргөст хэмх
Туранхай байхыг хүссэн хүн болгонд тохирохуйц ногоо – хаван буулгах үйлчилгээтэйгээс гадна эрүүлээр тураана
Тослог багатай сүү 2%
Тослог багатай сүү бол хамгийн эрүүл цагаан идээ юм. Өөх тосоор бага хэрнээ уураг, кальци, фосфор, витаминаар баялаг ундаа. Мөн тослог багатай бяслагийг орлуулж идсэн ч болно. / калорийн хэмжээ 122/
Хүрэн манжин
Микро элементийн шилдэг эх үүсвэр маргинцаар баялаг тул илүүдэл өөх тосыг шатаах, булчингийн хэвийн үйл ажиллагааг дэмжиж цусан дахь сахарын хэмжээг тогтворжуулдаг байна. Жигнээд юм уу аль эсвэл түүхийгээр нь салат хийж болохоос гадна шүүсийг нь шахаад уусан ч болно.
Өндөг
Ямар ч цагт идэж болно орой унтахаасаа өмнө өлсөөд байвал өндөг идэж байгаарай. Ганц ч грамм нэмэхгүй бөгөөд шарж идэхээс илүү чанаж идсэн нь илүү тохиромжтой байдаг
Нэрс
Нэрсний өөх тос, калори, сод, холестролын хэмжээ бага бөгөөд энэ жимс нь потассиум С витаминаар баялаг жимс юм. Нэрс жимс бодисын солилцоог дэмждэг учир жин хасахад ач тустай. /калорын хэмжээ 84/
Лууван
Маш бага калоритой хүнсний ногоо өдөр тутамдаа түүхийгээр нь идэж заншвал бүүр сайн. /калорын хэмжээ 5/
Хулуу
Чанасан хулуу таны биед нэн ач тустай. Холестрол, ханасан өөх, содыг маш бага хэмжээгээр агуулдаг ч олон төрлийн амин дэм болон ниацинаар баялаг юм. /калорын хэмжээ 46/
Улаан лооль
Түүхий лаазалсан чанасан гээд аль аль нь таньд маш ашиг тустай. /калорын хэмжээ 27/
Арвайн гурил
Гадуур худалдаалагддаг арвайн гурилыг сүү, элсэн чихэр, зөгийн балаар зуурч атгаж идвэл маш амттай бөгөөд биед хоргүй дессерт болж чадна. Бусад бүх үр тарианы ашиг тус арвайнд ч бас бий /калорын хэмжээ 193/
Өөхгүй үхрийн мах
Зарим бүсгүйчүүд жингээ барина гээд махныхаа хэрэглээг эрс багасгадаг энэ нь Монгол хүний бие махбодид төдийлөн тохиромжгүй арга юм. Үүний оронд өөхгүй мах хэрэглэж занших хэрэгтэй Үхрийн мах идэхгүй удаан явбал таны бие шаардлагатай уураг, төмөр, цайраар хангаж чадахгүйд хүрнэ. /калорын хэмжээ 312/
Арьснаас нь салгасан тахианы цээж мах
Тахианы махны ихэнх өөх тос нь арьсандаа агуулагддаг тиймээс арьснаас нь салгасан тахианы цээж махыг идвэл жин нэмэнхгүйгээс гадна уургаар хангагдах болно. /калорын хэмжээ 100/
Цоохор майлз
Цоохро майлзны иш 95% уснаас бүрддэг. Илүүдэл жингээс салахад туслах бөгөөд шээс хөөж хорт бодис гадагшлуулдаг байна.
Хаш
Шарсан хашийг өөрийнхөө хүссэн хэмжээгээр идээрэй. Тосгүйгээр шарсан хаш 24-хөн ккал илчлэгтэй байдаг байна.
Жүрж, грейпфрут болон мандарин
Илүүдэл жинтэй болохгүй байхыг жимснээс болгоомжил гэж зөвлөх нь бий. Харин цитрусын төрлийн жимсийг их хэмжээгээр идэхэд таньд санаа зовох зүйлгүй. Ширхэглэг ихтэй тул хоол боловсруулах эрхтэнд сайнаар нөлөөлөхөөс гадна өл дарж цатгалан мэт сэтгэгдэл төрүүлдэг байна. Жимсэнд агуулагдах флавоноид нарингенин нь илүүдэл өөх тосыг хайлуулах үүргийг гүйцэтгэж элэгний үйл ажиллагааг дэмждэг С аминдэм нь байгалийн коллагеныг бий болгож целлюлитээс хамгаалдаг байна.
Тарвас амтат гуа
Нэг зүсэм тарвас 60-70 ккал байх тул бүтнээр нь идсэн ч айлтгүй. Биеэс илүүдэл шингэнийг гадагшлуулдаг учир эрүүл мэндэд ач тустай.
Далайн ургамал
Далайн ургамал иодын эх үүсвэр бөгөөд бамбай булчирхайн хэвийн үйл ажиллагааг хангана. Өөрөөр хэлбэл гормоны солилцоо хэвийн явагдана гэсэн үг юм.
Ананас
Турахыг хүсэж байгаа хүмүүсийн үнэнч анд юм. Уг жимсэнд агуулагдах бромейлайн нь өөх шатаахад идэвхитэй үйлчилгээ үзүүлдэг.
Алим, тоор
Нэг алим ойролцоогоор 50 ккал байдаг ба таныг өлсгөхгүйгээс гадна хоол боловсруулах эрхтний хэвийн үйл ажиллагааг дэмжинэ.
Руккола болон салатны навч
Салатны навч фолийн хүчлийн эх үүсвэр. Нэг навч нь ойролцоогоор 3 ккал байдаг байна.
Байцаа , брокколи, өнгөт байцаа
Бүх төрлийн байцаа гуалиг биеийн гол хүнс юм. Байцаагаар ямар бол ямар хийж болно шөл, нухаш, салат, хоёрдугаар хоол смузи гэх мэт олон төрлийн хоол хийж идэж болно. Өдөр болгон 3 удаа байцаатай хоол идээрэй гэж зөвлөөгүй юм шүү. Учир нь иодыг биед шимэгдүүлэхэд саад учруулах бодис агуулдаг байна.
Сэтгэгдэл бичих