Баянгол дүүргийн прокурорын газраас тус дүүрэг дэх Цагдаагийн 1, 2 дугаар хэлтэс болон Мөрдөн шалгах бусад байгууллагад “Эрүүгийн хэргийн эд мөрийн баримт, барьцаа, хохирол төлүүлэхээр авсан мөнгө, валют, үнэт цаас, үнэт эдлэлийг мөрдөгч нараас хүлээн авах, хадгалах, шийдвэрлэх” ажиллагаа Эрүүгийн хэрэг хянан шийдвэрлэх тухай хууль болон Улсын Ерөнхий прокурорын баталсан заавар, журмын дагуу явагдаж байгаа эсэхийг шалгалаа.
Шалгалтаар тус дүүрэг дэх Цагдаагийн 1, 2 дугаар хэлтсүүдийн эд мөрийн баримтыг хадгалах өрөө, тасалгааны багтаамж хүрэлцээ муу, тусгай горим, нөхцөл шаардсан эд зүйлсийг хадгалах зориулалтын өрөө тасалгаагүй зэрэг хэд хэдэн зөрчлүүд илэрчээ.
Баянгол дүүргийн прокурорын газраас харьяа Цагдаагийн хэлтсийн дарга нарт дээрх зөрчлүүдийг арилгах, тусгай зориулалтын өрөө тасалгаатай болох талаар зохион байгуулалтын арга хэмжээ авч ажиллах талаар хугацаатай үүрэг өгч, прокурорын шаардлага хүргүүлж ажилласан байна.
Сэтгэгдэл бичих