Улаанбаатар хотоос Дархан-Уул аймгийн чиглэлд замын хөдөлгөөнд оролцож байсан орон нутгийн зорчигч тээврийн автобусыг осолдсон хэрэг энэ сарын 27-ны өдөр гарсан. Тодруулбал, наймдугаар сарын 27-ны шөнө 00:00 цагийн орчимд Сэлэнгэ аймгийн Баянгол сумын нутаг дэвсгэр гуравдугаар багийн нутаг дэвсгэр Хоёр даваа гэх газар том оврын автомашин ард нь явж байсан зорчигч тээврийн автобусыг мөргөсөн зам тээврийн ноцтой осол гаргажээ.
Осол гаргасан машины жолооч даваа өгсөх замд хүч алдаж хойшоо ухарсан гэсэн мэдээллийг өгсөн бөгөөд тухайн үед автобусанд 32 хүн зорчиж явжээ. Уг зам тээврийн ослын улмаас нэг хүн газар дээрээ амь насаа алдаж, таван хүн гэмтжээ. Одоогийн байдлаар гэмтсэн таван хүн Сэлэнгэ аймгийн эмнэлэгт хүргэгдэн, эмчлүүлж байгаа ба гэмтсэн иргэдийн амин үзүүлэлт сайжирсан гэдгийг албаныхан мэдээллээ.
Сэтгэгдэл бичих