БНСУ-ын Инчон хотод өнгөрсөн мягмар гарагт хутгаар зэвсэглэсэн этгээд худалдааны төвөөр үйлчлүүлж байсан иргэд рүү халдаж, найман хүнийг шархдуулсан хэрэг гарчээ.
Хэргийг үйлдсэн этгээд нь өмнө нь эхнэрээ хөнөөхийг оролдсон хэргээр хорих ял авч, дөрвөн жилийн турш хоригдож байгаад суллагдсан 59 настай эрэгтэй болох нь тогтоогдоод байгаа аж.
Сэжигтнийг баривчлах үед тэрээр биедээ их хэмжээний эмийн бодис авч явж байсан болох нь тогтоогдсон ба тэрээр шагайндаа хяналтын цахим гавтай байжээ.
Уг хэрэг явдалтай холбоотойгоор БНСУ-ын Ерөнхийлөгч И Жэ Мён Инчон хотын цагдаагийн газарт өөрийн биеэр очиж, хэрэгтэй танилцаж, зохих албан тушаалтнуудад иргэдийн өдөр тутмын амьдралд заналхийлж буй онц ноцтой гэмт хэргүүдийн эсрэг авах тусгай арга хэмжээнүүдийг боловсруулахыг, хүнд, онц ноцтой гэмт хэргүүдээс урьдчилан сэргийлэх ажилд бүх нөөц бололцоогоо дайчилж, цахим гавтай иргэдийн хяналтыг сайжруулахыг үүрэг болгожээ.
Сэтгэгдэл бичих