Хотын дарга Х.Нямбаатарыг үүрэгт ажлаас нь чөлөөлөх шийдвэрийг Ерөнхий сайд Н.Учрал гаргаж түүнийг ажлаас нь чөлөөлсөн. Тэгвэл Хотын дарга асан Х.Нямбаатарын хэвлэлийн ажилтан Б.Саранцэцэгийг саатуулан баривчилсан талаар хэвлэлээр шуугиж эхэллээ.
Тодруулбал, 2026 оны 5-р сарын 18-ны орой Нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсийн ажилтан Б.Саранцэцэгийг Кибер, гэмт хэрэгтэй тэмцэх газраас саатуулан шалгаж эхэлжээ.
Энэ талаар зарим эх сурвалжуудаас тодруулахад, гэрийнх нь үүдэнд үл таних дөрвөн хүн зогсож байгаад, хаанаас ямар үндэслэл шалтгаанаар шалгаж, саатуулж байгаагаа мэдэгдэлгүй шууд авч явсан бөгөөд өмгөөлөгчгүй байгаа гэсэн юм.
Хэвлэлийн ажилтан нь саатуулагдсан талаар Зариг.мн сайтын эрхлэгч Н.Өнөрцэцэг өөрийн цахим хуудаснаа ийнхүү сэтгэгдлээ илэрхийлсэн байна.
Тэрбээр “Нямбаатарыг олон лайк аваад байна гээд хэвлэлийн төлөөлөгч нарыг нь бариад хорьчихож байгаа юмуу, жаахан охидууд л байдаг шд. Танай Төгсөө, Хулан нтр л гэсэн үг шдээ. Арай дэндүү юмаа” гэв.
Сэтгэгдэл бичих