ОХУ-ын Ерөнхийлөгч Владимир Путин маргаашнаас буюу 5-р сарын 19-нөөс 20-нд БНХАУ-д төрийн айлчлал хийхээр товлогдсон талаар Кремль албан ёсоор мэдэгдлээ. Энэхүү айлчлалын үеэр тэрбээр БНХАУ-ын дарга Ши Жиньпинтэй уулзаж, 2 улсын иж бүрэн стратегийн түншлэл, эдийн засаг, худалдаа болон олон улсын бүс нутгийн асуудлуудыг хэлэлцэх юм байна.
Айлчлал нь Орос, Хятадын Найрсаг хөршийн харилцаа, нөхөрлөл, хамтын ажиллагааны гэрээ байгуулагдсаны 25 жилийн ойтой давхцаж байгаа бөгөөд талууд хамтарсан мэдэгдэл болон хэд хэдэн шинэ гэрээ хэлэлцээрт гарын үсэг зурахаар төлөвлөжээ.
Путиний энэхүү айлчлал нь АНУ-ын Ерөнхийлөгч Дональд Трампын Бээжинд хийсэн айлчлалын дараахан болж буйгаараа олон улсын анхаарлыг татаж байна. Шинжээчдийн үзэж буйгаар Бээжин ийнхүү дэлхийн 2 том гүрний удирдагчдыг богино хугацаанд хүлээн авч байгаа нь Хятадын дипломат нөлөөг тодотгож байна.
Сэтгэгдэл бичих