Монгол Улсын Засгийн газрын өнөөдрийн хуралдаанаар “Эрдэнэс Таван Толгой” ХК-ийн иргэдэд эзэмшүүлсэн 1072 ширхэг хувьцаа, түүнд хуваарилагдсан ногдол ашгийг эзэмшиж байсан иргэн нас барсан тохиолдолд хувьцааг нь өвлөгчид буюу ар гэрийнхэнд нь өвлүүлэх тухай шийдвэр гарлаа. Ингэснээр “Эрдэнэс Таван Толгой” ХК-ийн хувьцааг эзэмшиж байгаад нас барсан 130,000 гаруй иргэний хувьцаа болон түүнд хуваарилагдсан ногдол ашгийг үр хүүхэд, гэр бүл нь өв залгамжлан авах боломж бүрдлээ. Тус тогтоол 2026.06.01-ний өдрөөс хэрэгжихээр тусгагдсан байна.
Одоогийн зохицуулалтаар Өвлөх эрхийн гэрчилгээ, өв хүлээн авах хүний иргэний үнэмлэх түүнтэй адилтгах баримт бичиг, нас барсан хүний нас барсны гэрчилгээ, өв хүлээн авагчийн өргөдөл, гүйлгээний шимтгэл төлсөн баримт зэргийг бүрдүүлэн брокерын компанидаа хандсанаар хувьцааг өвлөн авдаг.
Сэтгэгдэл бичих