АНУ-ын Небраска муж улсын төв болон баруун хэсэгт дэгдсэн гурван томоохон түймрийн улмаас 240 мянга орчим га талбай шатаж, нэг хүн амиа алдаад байна. Албаныхны мэдээлснээр уг түймэр нь муж улсын түүхэн дэх хамгийн томд тооцогдох хэмжээнд хүрч, одоогоор бүрэн хяналтад авч чадаагүй хэвээр байна.
Нөхцөл байдал хүндэрсэнтэй холбогдуулан Небраска муж улсын захирагч Жим Пиллен онцгой байдал зарлаж, гал түймэртэй тэмцэхэд шаардлагатай нэмэлт нөөц хүчийг дайчлахаар шийдвэрлэжээ. Мөн орон нутгийн гал сөнөөгчдөд дэмжлэг үзүүлэх зорилгоор Үндэсний гвардийн цэргүүдийг илгээсэн байна.
Үүний зэрэгцээ АНУ-ын Дундад Өрнөд бүс нутагт хүчтэй шуурга, цасан шуурга зэрэг цаг агаарын хүнд нөхцөл үүссэн нь гал түймрийн голомтод ажиллаж буй аврагчдын үйл ажиллагааг улам хүндрүүлж байгааг албаныхан онцолжээ.
Сэтгэгдэл бичих