Манай орны зүүн аймгуудын зүүн хэсгээр өнөөдөр нойтон цас орж, цасан шуурга шуурахыг Цаг уур, орчны шинжилгээний газар анхаарууллаа. Мөн нутгийн өмнөд хэсгээр салхи шуургатай байх тул үзэгдэх орчин хязгаарлагдаж, зам даваа гүвээнд халтиргаа гулгаа үүсэх эрсдэлтэй байна.
Нутгийн зүүн хэсгээр үүлэрхэг. Зүүн аймгуудын нутгийн зүүн хэсгээр нойтон цас орж, цасан шуурга шуурна.
Ихэнх нутгаар баруун хойноос секундэд 6–11 метр салхилж, говь, талын нутгаар түр зуур секундэд 16–18 метр хүрч ширүүсэх тул шороон шуурга шуурах төлөвтэй байна.
Агаарын температурын хувьд:
-
Увс нуур болон Тэс голын хөндийгөөр -12…-17 градус
-
Дархадын хотгор, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз голын хөндийгөөр -7…-12 градус
-
Их нууруудын хотгор, Хангайн нурууны өвөр бэл, говийн бүсийн өмнөд хэсгээр -2…+3 градус
-
Бусад нутгаар -2…-7 градус хүйтэн байна.
Иймд иргэд, жолооч нар цасан болон шороон шуургатай үед холын замд явахдаа болгоомжтой байх, дулаан хувцаслах, малчид малаа ойр бэлчээрт хариулахыг цаг уурчид зөвлөж байна.
Сэтгэгдэл бичих