Ойрхи Дорнодын дайны нөлөөгөөр эрчим хүчний зах зээлд томоохон савлагаа үүсэж, газрын тос олборлогч, импортлогч болон тээвэрлэгчид энэхүү нөхцөл байдалд дасан зохицохыг хичээж байна. Газрын тосны ханш 2022 оноос хойш байгаагүй хамгийн өндөр өсөлттэй арилжааны долоо хоногийн үдэх төлөвтэй байна.
Дональд Трампын зүгээс үнийн дарамтыг бууруулах зорилгоор шийдвэртэй арга хэмжээ авахаа мэдэгдсэнээр WTI газрын тосны фьючерс үнэ буурч, баррель нь 79 ам.доллар орчимд хэлбэлзэж байна.
Хэдий тийм боловч түүхий эдийн ханш энэ долоо хоногт 18 хувиар эрчимжээд байгаа юм. Пүрэв гарагт 2024 оны дунд үеэс хойших дээд түвшинд дөхсөн брент төрлийн газрын тос баррель нь 85 ам.долларын орчимд арилжаалагдаж байна.
Дэлхийн нийт нийлүүлэлтийн 20 орчим хувь дайран өнгөрдөг Ормузын хоолой нэг сар орчим хаагдвал түүхий эдийн үнэ баррель нь 100 ам.долларт хүрч магадгүй гэж “Goldman Sachs”-ийн шинжээчид тооцоолжээ.
Сэтгэгдэл бичих