Сургуулийн өмнөх боловсролын сургалтын хөтөлбөрийг хэрэгжүүлэхэд эрхлэгч, аргазүйчийн оролцоог нэмэгдүүлэх, багш нарт аргазүйн дэмжлэг үзүүлэх, хамтын ажиллагааг хөгжүүлэх, мэдлэг чадварыг дээшлүүлэх зорилгоор “Сургалтын хөтөлбөрийн хэрэгжилтэд дэмжлэг үзүүлэх цахим сургалт”-ыг зохион байгууллаа.
Сургалтад төрийн болон хувийн өмчийн хүүхдийн цэцэрлэгийн 1333 эрхлэгч, 1121 аргазүйч, нийт 1339 цэцэрлэгийн 2454 удирдах ажилтан хамрагдлаа.
СУРГАЛТААР:
Сургалтын хөтөлбөрийн хэрэгжилтэд удирдлагын үүрэг оролцоо, багш нарт дэмжлэг үзүүлж ажиллахад анхаарах асуудал
Хүүхэд төвт сургалтыг хэрэгжүүлэх аргазүй
Багшийн гарын авлагыг ашиглахад анхаарах зарим асуудал
Сургалтын хөтөлбөрийн хэрэгжилтэд удирдлагын үүрэг оролцоо (туршлага) зэрэг агуулгын хүрээнд зохион байгуулагдлаа.
ҮР ДҮН:
Сургуулийн өмнөх боловсролын сургалтын хөтөлбөрийг хэрэгжүүлэхэд багшид дэмжлэг үзүүлэх чиглэлээр нэгдсэн ойлголттой болно.
Цэцэрлэгийн эрхлэгч, аргазүйч нар сургалтын хөтөлбөрийг хэрэгжүүлэх явцад багш бүрд тохирсон дэмжлэг үзүүлэх аргазүйд суралцана.
Цэцэрлэгийн өдөр тутмын сургалт, үйл ажиллагааны явцад сургалтын хөтөлбөрийн хэрэгжилтийн явцад ажиглалт хийж, ахиц өөрчлөлт, анхаарах асуудлыг илрүүлж, хамтын ажиллагааг сайжруулах арга замыг тодорхойлох аргазүйд суралцана.
Сэтгэгдэл бичих