Монгол Улсын аварга малчин өрхийн шагналыг Өмнөговь аймгийн Ханбогд сумын Баян багийн малчин Хургаагийн Энхбат, Дорждэрэмийн Батцэцэг нарт хүндэтгэлтэйгээр гардуулан өгөх ёслол боллоо.
Улсын аварга малчин өрхийн хотноо УИХ-ын гишүүн, Төсвийн байнгын хорооны дарга Н.Наранбаатар, Өмнөговь аймгийн ИТХ-ын дарга О.Эрдэнэ-Өрнөх, Өмнөговь аймгийн ХХААГ-ын дарга Ш.Бат-Эрдэнэ, Өмнөговь аймгийн Ханбогд сумын ИТХ-ын дарга Ц.Идэрзориг, Ханбогд сумын Засаг дарга М.Цэвээнравдан нар болон бусад албаны хүмүүс эрхэм хүндтэй шагналыг гардуулж хүндэтгэл үзүүллээ.
Х.Энхбат, Д.Батцэцэг нар нь сүүлийн 30-д жил мал маллаж байгаа төдийгүй хоёр талын удам дамжсан малчид юм. Төр засаг уламжлалт мал аж ахуйг өсгөн үржүүлэх өвлөн тээх нөр их хөдөлмөрийг өндрөөр үнэлж Монгол Улсын аварга малчин өрх эрхэм хүндэт шагналыг эздээр тодруулсан баярт мөчийг малчины хотноос хуваалцаж байна.
Улсын аварга малчин өрх маань мал аж ахуйгаа таван төрөлд өсгөдөг төдийгүй өдгөө 600 гаруй тэмээ, 1000 гаруй бага мал маллаж байна. 2015 онд анх мянган малыг тоолуулж данслуулсан цагаас өнөөдрийг хүртэл тасралтгүй мянгатын босгоо давж бататган өсгөсөөр ирсэн хөдөлмөрч гэр бүл юм.
Сэтгэгдэл бичих