Өмч хувьчлалаар ажилчдыг нь гудамд гаргасан гашуун туршлага давтагдах вий! Стратегийн ач холбогдолтой компаниудаа төр өөрсдөө авч явах ёстой.
УИХ-ын чуулганы /2025.12.25/-ны өдрийн хуралдаанаар Төрийн өмчит хуулийн этгээдийн хувьцааг 2026-2028 онд биржээр олон нийтэд нээлттэй худалдах, төрийн өмчийг хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийг хэлэлцлээ.
Өмч, хувьчлалд болгоомжтой хандаж байна. Учир юу вэ гэхээр 1992-2000 оны хооронд хийсэн өмч хувьчлал ерөнхийдөө Монголчууд бүгд хуудуутай болсон гэсэн ойлголттой болсон. Тухайн үеийн эрх мэдэлтэй, мэдээлэлд ойр дарга нар эдгээр компаниудыг хувьчлаад авсан дүр зурагтай байдаг. Тэр төрийн өмчийн компанид ажиллаж байсан бүх ажилтан, албан хаагчдыг гудамд гаргасан.
Стратегид суурилсан төрийн өмчит компаниуд болох цахилгаан, дулаан, эрчим хүч 51 хүртэлх хувь төрийн өмчид байна гэсэн байна. Эрдэнэт үйлдвэр дээр бид мэдэж л байгаа 49/51 гээд хоёр тал болсон. Дотроо бөөн маргаантай байдаг. Тендер худалдан авалт нь бүгд хэрүүлтэй маргаантай. Ийм л юм дуулддаг байсан. Энэ давтагдах магадлал өндөртэй.
Энэ тогтоолын төслийн мэдээлэлд ажилчин, албан хаагчийг нь аваад үлдэнэ, цомхотгохгүй гэсэн байна. Энэ нь маш бэрхшээлтэй. Авсан компани, хувь эзэмшиж байгаа компанид менежмент хийгээд л үр ашгийг нэмэгдүүлнэ. Баахан ухаалаг юм яриад л, хавчиж гадуурхсаар ажилчин албан хаагчдыг нь цомхотгоод, байж суух газаргүй болгож өргөдлийг нь өгүүлээд л гаргадаг.
2015 онд хувьчлагдсан Хөтлийн цемент шохойн үйлдвэрт өмч хувьчлал хийх юм байна. Үүний шүүхийн маргаан дуусаагүй байхад дахиад энэ процесс байж болох юм уу?
Өмчгүй төр хүчгүй гэж. Стратегийн холбогдолтой төрийн өмчит компаниудыг хувьчилчихдаг. Дараа нь үнээ нэмлээ гэж тэд крантаа хаахад бид яаж ч чадахгүй. Энэ дээр хамгаалалт хийж чадах уу?
Төрийн өмчийн компаниудыг хувьчлах асуудал дээр нэлээн ул суурьтай хандах хэрэгтэй байна
Сэтгэгдэл бичих