Улаанбаатар дахь АНУ-ын ЭСЯ-ны Цэргийн Бүлэг МУ-ын Зэвсэгт хүчинд барилгын цэргийн болон инженерын тоног төхөөрөмж болох чиргүүлтэй ачааны машин 2 ширхэг, тэсрэх хэрэгслийн хайгуул, устгалын бүлгийн хэрэгслийг 12 сарын 23-ны өдөр хүлээлгэн өглөө. Уг арга хэмжээнд АНУ-ын ЭСЯ-ны Цэргийн бүлгийн дарга хошууч Андрью Адамс, Улстөрийн хэлтсийн дэд дарга Иэн Кроуфорд, МУ-ын ЗХЖШ-ын Энхийг дэмжих, цэргийн хамтын ажиллагааны хэлтэс дарга хурандаа Д. Мягмаржав, Инженерийн хэлтсийн ахлах офицер Я. Ганбаяр нар оролцлоо. Уг тоног төхөөрөмжийг АНУ-Монгол улсын батлан хамгаалах хамтын ажиллагааны гэрээний дагуу нийлүүлж байгаа бөгөөд МУ-ын Зэвсэгт хүчний энхийг сахиулах чадавхийг дээшлүүлэх хүрээнд явуулж буй цуврал ажлын нэг хэсэг юм.
ТОД МЭДЭЭ ГРӨҮ ХХК © 2021. БҮХ ЭРХ ХУУЛИАР ХАМГААЛАГДСАН.
Сэтгэгдэл бичих