АРВАН ХҮНИЙ АМЬ НАСААР ТОГЛОСОН “БАЯН” БАЗРААД ТӨРИЙН ХУУЛЬ ҮЙЛЧЛЭХГҮЙ Ч ТЭНГЭРИЙН ГЭСГЭЭЛ ИРНЭ

Говь-Алтай аймгийн Цээл сумын нутагт “Баян” Базраа хэмээх эр “Алтайн Хүдэр” компани байгуулан олон хүний амь насаар төмрийн хүдэр олборлосон түүхтэй. Хохирогч нарын гомдол хэвлэл мэдээллээр гардаг ч цайрчихсан луйварчин Р.Базар тоодог ч үгүй билээ. Олон хавар нэгэндээ гэдэг шиг төмрийн хүдрийн бизнес, олон хүний хараал ерөөл дийлдэхээ байгаад эхлэнгүүт алт хийгээд банк санхүүгийн бизнес рүү орсон. Тэрээр “Тээвэр хөгжлийн банк”-ны томоохон хувьцаа эзэмшигч болоод зогсохгүй “Эко-Алтан Заамар” компанийг байгуулсан.
Иргэдийн болон байгаль ээжийн хараал хүрэв үү гэлтэй гэлтэй “Эко-Алтан Заамар” компани дээр аймшигтай осол гарч дөрвөн хүн техник хэрэгсэлтэйгээ дарагдан зовж тарчлан нас бараад байна. Говь-Алтай аймгийн Цагдаагийн газрын мэдээллээр “Алтайн Хүдэр” компанитай холбоотойгоор зургаан хүн нас барсан бүртгэл бий. Говь-Алтай, Төв аймагт гарсан осол аваарьтайгаа нийлээд 10 хүн нас барчихаад байхад Р.Базар мөнгө, найз нөхдийн сүлжээндээ эрдэн “Газар хөдлөлтөөс болж Заамарт газар хөдлөсөн” гэсэн худал мэдээллийг хөлсний этгээдүүдээр тараалгах гэж оролдов.
Газар хөдлөлтийг бүртгэдэг Мэргэжлийн байгууллагаас “Алтны уурхайд гарсан осол газар хөдлөлттэй хамаагүй” гэсэн дүгнэлт хэлж байна. Арван хүний амь насаар тоглож, айл гэрт хагацал авчирагч, авгай хүүхнүүдийг оймс сольдог “Баян” Базраа хэмээн эртэй хариуцлага тооцох болоогүй бололтой. Хүний амь нас, байгаль дэлхий нэг луйварчны тансаг амьдрал, зугаа цэнгэлд зориулагдах ёстой гэж үү. Төрийн хууль үйлчилдэггүй энэ этгээдэд тэнгэрийн гэсгээл ирэх вий дээ.