ВАШИНГТОН/ШИНЭ ДЕЛИ, наймдугаар сарын 27. – АНУ-ын Ерөнхийлөгч Дональд Трамп Энэтхэгээс импортлох бараанд ногдуулах татварыг хоёр дахин нэмэгдүүлж, зарим бүтээгдэхүүнд 50 хувьд хүргэсэн нь энэ долоо хоногт албан ёсоор хэрэгжиж эхэллээ. Энэ нь дэлхийн хоёр том ардчилсан улсын худалдаа, стратегийн харилцаанд хурцадмал байдал үүсгэж байна.
Татварыг нэмэгдүүлэх болсон гол шалтгаан нь Энэтхэгийн ОХУ-аас нефть худалдан авалттай холбоотой бөгөөд нэмэлт 25 хувийн шийтгэлийн татвар нь өмнөх 25 хувийн импортын татвартай нийлж, нийт дүнг 50 хувьд хүргэсэн байна.
Хамрагдсан салбарууд өндөр татвар нь Энэтхэгийн гол экспортын салбар болох бэлэн хувцас, үнэт чулуу, үнэт эдлэл, гутал, спортын бараа, тавилга, химийн бүтээгдэхүүн зэрэг өргөн хүрээг хамарч байгаа нь тус улсын эдийн засагт хүчтэй дарамт үзүүлэхээр байна.Энэтхэгт дараах нөлөөг үзүүлнэ.Үүнд:
-
Энэтхэгийн АНУ руу хийдэг экспортын 55 орчим хувь шинэ татварт өртөх эрсдэлтэй.
-
Moody’s-ийн тооцоогоор ДНБ-ий өсөлт 0.3 хувиар удаашрах төлөвтэй.
-
Очир эрдэнийн боловсруулалт, үнэт чулууны салбарт хэдийнэ олон мянган ажлын байр цомхтгогдсон.
-
Хөрөнгийн зах зээлд мөнгөө татах хөдөлгөөн эрчимжиж, зөвхөн наймдугаар сард 900 сая ам.долларын хөрөнгийн урсгал гадагшилжээ.Үүний хариуд Энэтхэг дараах арга хэмжээг авах төлөвтэй байна.Энэтхэгийн Засгийн газар экспортлогчдоо дэмжих тусгай санхүүгийн багц боловсруулахын зэрэгцээ бараа бүтээгдэхүүнээ шинэ зах зээлүүд болох Хятад, Латин Америк, Ойрхи Дорнодын орнууд руу чиглүүлэхээр төлөвлөж эхэлсэн байна.
Хоёр улсын стратегийн түншлэл, тэр дундаа Quad эвсэл-ийн хүрээнд хамтран ажиллах зорилго хэвээр байгаа ч худалдааны маргаан нь харилцааг доргиож, Энэтхэгийг ОХУ болон БНХАУ-д илүү ойртох эрсдэлийг нэмэгдүүлж байна гэж шинжээчид үзэж байна.
Бэлтгэсэн: Т.Саранцэцэг
Сэтгэгдэл бичих