Израилийн Ерөнхий сайд Бенжамин Нетаньяху пүрэв гарагт мэдэгдэл хийхдээ үлдсэн бүх барьцаалагдсан иргэдийг суллуулах, мөн Газын дайныг зогсоох хэлэлцээг эхлүүлэхийг зөвшөөрсөн ч энэ нь зөвхөн “Израилд хүлээн зөвшөөрөгдөх нөхцөлөөр” явагдана гэж онцлов.
Тэрээр Израилийн цэргүүдэд хандан үг хэлэхдээ, Засгийн газар нь Газын хойд хэсэгт орших Газа хотод томоохон дайралт хийх төлөвлөгөөг баталсан талаар мөн мэдээлжээ. Энэ шийдвэр нь дотоодын болон олон улсын зүгээс хүчтэй эсэргүүцэлтэй тулгарч байгаа юм.
Өнгөрсөн даваа гарагт ХАМАС Катар, Египетийн зуучлалаар боловсруулсан төлөвлөгөөг хүлээн зөвшөөрсөн бөгөөд уг саналд 60 өдрийн гал зогсоох болон Газад үлдсэн барьцаалагдсан хүмүүсийн тал хувийг суллах тохиролцоо багтжээ.
Гэвч Нетаньяху уг саналд хариу өгсөн ч Израиль одоогоор энэ хэлэлцээрийг хүлээн зөвшөөрөөгүй гэдгийг тодотголоо.
Бэлтгэсэн Саранцэцэг
Сэтгэгдэл бичих