Улаанбаатар хотын нийт ус хангамжийг нэмэгдүүлэх хөтөлбөрийн хүрээнд Ус хангамжийн баруун эх үүсвэрийг шинээр байгуулах төсөл, Хаягдал ус дахин боловсруулах төсөл, Усны салбарын тогтвортой байдлыг хангах төсөл гэсэн гурван төслийг хэрэгжүүлж байна. Энэ хүрээнд Хаягдал ус дахин боловсруулах төсөл 86.5 хувьтай хэрэгжиж байна. Төслийн үр дүнд Шинэ төв цэвэрлэх байгууламж, Хаягдал ус дахин боловсруулах үйлдвэр, Дулааны цахилгаан станцыг барьж байгаа бөгөөд жилд ДЦС 3, 4-т ашиглаж буй 18 сая метр.куб гүний усыг хэмнэх боломж бүрдэнэ.
Түүнчлэн Улаанбаатар хотын хэмжээнд усны салбарын тогтвортой байдлыг хангах төслийн гүйцэтгэл 82 хувьтай хэрэгжиж байна. Уг төслийг хэрэгжүүлснээр дараах ач холбогдолтой.
- Зардал нөхөхөд чиглэсэн техникийн туслалцаа
- Гэр хорооллын ус хангамжийн үйлчилгээний зардлыг бууруулах
- Ус ашиглалтын байгууллагын үйл ажиллагааг сайжруулахад дэмжлэг үзүүлэх
- Үйлдвэрийн хаягдал усыг урьдчилан цэвэрлэх, бохирдлыг хянах
- Усны үнэ цэнэ, үйлчилгээний өртгийн талаарх олон нийтийн мэдлэг, ойлголтыг нэмэгдүүлж, хэвшил хандлагыг өөрчилнө.
Discussion about this post