Эмээлт Эко Аж үйлдвэрийн парк нь дэд бүтцийн бүтээн байгуулалтын бэлтгэл ажлуудыг хангаж, санхүүжилтийн эх үүсвэрийг тодорхойлж, барилга угсралтын ажлуудыг эхлүүлэх, паркт үйлдвэрүүдийн байршуулах бэлтгэл ажлыг хангах, Нийслэлийн нутаг дэвсгэрт арьс шир, завод ноос боловсруулах үйл ажиллагаа эрхэлж, бохирдол үүсгэж буй үйлдвэрүүдийг паркийн арьс шир боловсруулах бүсэд нүүлгэн шилжүүлэх ажлыг хэрэгжүүлэх зорилготой уг төсөл нь амжилттай шат ахисаар байна.Тус төслийн хүрээнд Эмээлт Эко Аж Үйлдвэрийн парк дулааны цахилгаан станц, Цэвэрлэх байгууламжийн ажлын тендерт шалгарсан гүйцэтгэгчтэй хийх гэрээ хэлэлцээр үргэлжилж байна.
Эмээлт эко аж үйлдвэрийн паркийн суурь дэд бүтэц болох 24 МВт-ын Дулааны цахилгаан станц, Бохир ус цэвэрлэх байгууламжийн ажлын нээлттэй тендерт гүйцэтгэгчээр шалгарсан “Хуа Зи Технологи” ХХК (HNAC Technology Co., Ltd), “Хуа Ши Энержи Индастри” ХХК (China Western Power Industrial Co., Ltd) -иудын түншлэл болон НЗДТГ-ын хооронд байгуулах гэрээний хэлэлцээрийг Нийслэлийн Засаг даргын А/1082 захирамжаар байгуулагдсан ажлын хэсэг ‘Нийслэлийн Засаг даргын Тамгын газар’-т зохион байгуулж, гэрээ үзэглэх бэлтгэл ажлыг хангаж байна.
Төлөвлөлт, хөгжүүлэлтийн газар
2025.08.14
Сэтгэгдэл бичих