Цагдаагийн ерөнхий газрын дарга, Дотоодын цэргийн командлагч, бригадын генерал Т.Сүхболд өнөөдөр /2025.08.01/ гэмт хэрэг, зөрчлийн дуудлага мэдээлэл хүлээн авч шийдвэрлэх эрх бүхий алба хаагчидтай уулзалт зохион байгууллаа.
Уулзалтын хүрээнд алба хаагчдад мэдээлэл хийж, тэдний ажиллах орчин, нэг бүрийн тусгай хэрэгсэл, тээврийн хэрэгслийн шатах, тослох материалын хүрэлцээ зэрэг өдөр тутмын үйл ажиллагаанд үүсдэг хүндрэл бэрхшээлийн талаар санал солилцож, цаашид нутаг дэвсгэрийн онцлогоос хамааран ажлын ачааллыг тэнцвэржүүлэх үр дүнтэй ажил, арга хэмжээ зохион байгуулахад анхаарч ажиллахыг дарга, удирдлагуудад үүрэг болгон өгсөн юм.
Тус уулзалтад цагдаагийн байгууллагын дуудлага, мэдээлэл хүлээн авч, түүнийг шуурхай шалгах ажиллагаа явуулах эрх бүхий алба хаагчид танхим болон цахим хэлбэрээр хамрагдав.
Мөн гэмт хэрэг, зөрчилд өртөж хохирсон иргэдтэй алба хаагчийн ёс зүйг баримтлан зөв боловсон харилцаж, үйл ажиллагааг тэгш хүртээмжтэй хүргэх, дуудлага мэдээллийг түргэн шуурхай шийдвэрлэх талаар алба хаагчдад зөвлөмж өгч, цаашдын ажилд нь амжилт хүслээ.
Сэтгэгдэл бичих