УИХ-ын гишүүн Д.Цогтбаатар өөрт нь оноосон ялыг нь хойшлуулах хүсэлтээ гуравдугаар сарын 10-нд Улсын Дээд шүүхийн Эрүүгийн хэргийн танхимын шүүгч Ч.Хосбаярт хандан хүргүүлсэн байна. Гэтэл хууль гэдэг чинь уйтгартай хэдий ч цагаан дээр хараар бичээстэй байдаг. Нэг хүнд, нэг гишүүнд зориулсан хууль гэж хаана ч байхгүй.
Эрүүгийн хэрэг хянан шийдвэрлэх тухай хуулийн 37.5 дугаар зүйлд Шүүх анх удаа хөнгөн гэмт хэрэг үйлдсэн өсвөр насны хүн, жирэмсэн эмэгтэй, гурав хүртэлх насны хүүхэдтэй эх, ганц бие эцэгт хорих ял оногдуулсан шүүхийн шийтгэх тогтоол биелүүлэхийг 2 жил хүртэл хугацаагаар хойшлуулж болно гэж заажээ. Гэтэл мань хүнд эдгээрийн алин ч хамаарахгүй байна.
Боломж гарц гэвэл Д.Цогтбаатар гишүүн цаг хугацааны машинд сууж өсвөр насандаа эргэж очих эсвэл эхнэрээсээ салж ганц бие эцэг болох үгүй бол дэлхийд монгол улсаас жирэмсэлсэн ахны эрэгтэй хүн болж бүтгэгдэх гэсэн сонголтууд байна. Аан харин эдгээрийн аль нэгийг хийж чадахгүй бол ялаа эдлэж таарах нь дээ.
Гэвч зөвхөн хууль яриад өнгөрч болохгүй. Төрийн түшээ хэрэг үйлдчихээд, ялаа хойшлуулий гэж гуйх нь ёс зүйд бас нийцэхгүй. Бас болоогүй гишүүн болоод хэрэг үйлдээгүй гэж ярих бүүр ч зохимжгүй. Ах нь лайв хийж шударга ёс ярьж хүн загнадаг бол дүү нь ч бас шударгаар ялаа эдэлчдэг баймаар байна.
Чанцалын Бэлгүүтээ
Сэтгэгдэл бичих