Америк, Оросын харилцааны дулааралд Хятад улс эмзэг хандаж эхэлсэн бололтой. Хятадын сошиал платформуудад Номын хуудас эргүүлэхээс хурдан Орос улс байр сууриа өөрчилдөг! Хятад улс Украинд үзүүлэх дэмжлэгийн бодлогоо дахин нягтлах шаардлагатай юу? гэж байна гэнэ.
Энэ нөхцөл байдлыг ажиглахад, Трамп олон улсын худалдааны дайнд Хятадыг дарах стратегийн хүрээнд түр зуурын геополитикийн тоглолт хийж, Хятад-Оросын харилцаанд сэв суулгах оролдлого хийж байж магадгүй юм. Хэрэв Хятад улс Оросоос зай барьж эхэлбэл, Трампын Оростой хийсэн түр зуурын тохироо Америкийн хувьд улам бүр төвөгтэй байдлыг үүсгэж болзошгүй.
Нөгөө талаас, Трамп хоёр талд зэрэг тоглолт хийж, Украинд үзүүлэх АНУ-ын зэвсгийн тусламжийг Европоор дамжуулан худалдан авалт хийх замаар гүйцэлдүүлэхийг шахаж байна. Ингэснээр Европ улам бүр АНУ-ын геополитикийн стратегид гүн гүнзгий татагдан орох эрсдэлтэй. Энэ нь олон улсын харилцааны тэнцвэрт байдлыг урт хугацаанд өөрчлөх чухал хандлага болж мэднэ.
Энэхүү нөхцөл байдал цаашид хэрхэн өрнөх нь Хятад, Орос, Америкийн хоорондын харилцааны нарийн уялдаанаас ихээхэн шалтгаалах болов уу.
Чанцалын Бэлгүүтээ
Сэтгэгдэл бичих