АНУ-аас Израилд суух Элчин сайдад Бүгд Найрамдах намын гишүүн, Арканзас мужийн захирагч асан Майк Хакабиг томилохоор болсон байна. Шинэ элчин сайд болох нь нэгэнт тодорхой болоод буй Майк Хакаби нь Евангелийн консерватив үзэлтэй, Израилыг тууштай дэмждэг гэдгээрээ алдартай нэгэн. Тэрээр томилогдсоны дараа Ойрх Дорнодод энх тайвныг тогтооход тууштай ажиллана хэмээн мэдэгдсэн байна.
Мөн Ойрх Дорнод дахь АНУ-ын тусгай төлөөлөгчөөр хуучны анд, гольфийн хамтрагч Стивен Виткоффын нэрийг зарлажээ. Флорида мужид үл хөдлөх хөрөнгийн салбарт хөрөнгө оруулагчаар ажилладаг нэгэн бөгөөд одоо Трампын тангараг өргөх ёслолын хороог удирдаж байна.
Цаашлаад, Тагнуулын төв газрын даргад Трамп Жон Рэтклиффийг нэр дэвшүүлжээ. Тэрбээр нэгдсэн улсын түүхэнд тагнуулын байгууллагын хамгийн өндөр хоёр албан тушаалыг хашиж үзсэн анхны хүн болох юм.
Мөн, Батлан хамгаалахын сайдаар Fox News сувгийн хөтлөгч Пит Хегсетийг томилохоор болсон байна.
Ийнхүү Дональд Трамп өөрийн засаг захиргааны шинэ албан тушаалтнуудын нэрсийг зарласаар байна. Цаашид өөр содон сонирхолтой хүмүүсийн нэрс зарлагдах нь тодорхой.
Сэтгэгдэл бичих