Интермед эмнэлгийн өвчтөнүүдийн мэдээллийг Москвад төвтэй “SpaceBears” бүлгэм хакердаж, 280 мянган хүний хувийн мэдээлэл, утасны дугаар, эмнэлгийн дата зэргийг хулгайлаад буй. Тус бүлгэмийн үйл ажиллагаа нь дата барьцаалж, мөнгө шаардахад чиглэдэг.
Цахим аюулгүй байдлын менежмент, заналхийллийн эсрэг үйл ажиллагаа явуулдаг “HackManac”-ийн мэдээлснээр, аравдугаар сарын 30-ны өдөр тус эмнэлгийн цахим дата руу халдсан гэгдээд байгаа.
“SpaceBears” нь эрүүл мэндийн байгууллагуудад чиглэсэн, нууц, хувийн мэдээллийг хулгайлж, өндөр дүнгээр мөнгө шаарддаг бүлгэм. Хэрэв тэдний заасан хугацаанаас өмнө санал болгосон мөнгийг нь төлөхгүй бол бүх дата мэдээллийг цааш зарах эрсдэлтэй.
Дээрх асуудлын хүрээнд тус эмнэлэгт Цахим хөгжил, инновац, харилцаа холбооны яам өчигдөр ажиллаж хяналт, шалгалт хийсэн.
Тэгвэл анх “SpaceBears” бүлгэмийн авсан Интермед эмнэлгийн үйлчлүүлэгчдийн мэдээллийг задруулж, ил байршуулж эхэллээ. Тус мэдээлэлд өвчтөний овог нэр, утасны болон регистерийн дугаар мөн зарим үйлчлүүлэгчийнх нь дансны дугаар зэрэг багтжээ. Учир нь тус бүлгэмийн шаардсан мөнгийг Интермэд өгөөгүй гэгдэж байна. Тодруулбал энэ сайтад нээлттэй байршуулжээ.
Гурав хоногийн өмнө crackingx.com хар захад Zina_Shutova гэх нэртэй хэрэглэгч Интермед эмнэлгийн 230+ мянган өвчтөний хувийн мэдээллийг худалдах 48 цагийн хугацаатай зар тавьсан байдаг.
Зарыг дагуулсан датаг харахад, хэдийнээ хэн нэгэн “SpaceBears”-ээс Интермедийн дата мэдээллийг худалдан авч, дахин борлуулж байгаа нь тодорхой болоод байна. Монгол Улсын 280 мянга орчим иргэний хувийн мэдээлэл хакеруудын гараас гар дамжиж байгаа учир ямар ч арга хэмжээ авах боломжгүй нөхцөл байдал үүссэн байж болзошгүй аж.
Мэдээллийн эх сурвалж: eguur.mn
Сэтгэгдэл бичих