Сэтгүүл Н.Өнөрцэцэг энэ сарын 4-ний өдөр хорих ангидаа өлсгөлөн зарлаж буйгаа олон нийтэд мэдээлсэн. Тэрбээр давж заалдах шатны шүүх хурлыг хэсэгчлэн нээлттэй явуулж өгөхийг шаардаж буй. Тэгвэл түүний өмгөөлөгч биеийн байдлынх нь талаар өнөөдөр /2024.11.06/ олон нийтэд мэдээлэл өгөв.
Н.Өнөрцэцэгийн зүгээс 2024 оны арваннэгдүгээр сарын 4-ний өглөөний 9:00 цагаас эхлэн өлсгөлөн зарласан. 52 цаг юм идээгүй байгаа аж. Ингэхдээ эмч нарын үзлэг шинжилгээнд хамрагджээ. Үзлэгээр бөөрний архаг дутагдалтай, өлсгөлөнг үргэлжлүүлж болохгүй гэх шалтгааныг эмч нар хэлсэн байна. Гэтэл түүний хувьд уг шаардлагыг хүлээж аваагүй аж. Эмчийн байнгийн хяналтад байгаа. Одоогийн байдлаар хавагнасан, тамирдсан, бөөр өвдсөн байгаа гэнэ. Мөн нойргүйдэлд орсон, тамирдсан байдалтай байна гэдгийг түүний өмгөөлөгч хэлэв.
Цаашдаа өлсгөлөнгөө үргэлжлүүлнэ гэдгээ мэдэгдсэн байна. Сэтгүүлч Н.Өнөрцэцэгийн давж заалдах шүүх хурал маргааш /2024.11.07/ болохоор болсон. Тэрбээр шүүх хуралд өөрийн биеэр оролцоно. Давж заалдах шүүхээс түүний хэргийг нээлттэй шүүх боломжгүй гэж мэдэгдээд байгаа билээ.
Эх сурвалж: news.mn
Сэтгэгдэл бичих