Сошиал ч ёстой хүчтэй юмдаа. “Дошин доо” гэдэг фэйж хуудас Сүхбаатар аймгийн засаг ноён М.Идэрбат, Иргэдийн төлөөлөгчдийн хурлын дарга Хосбаяр нарыг ёстой л нэг сандаргаад эхэлжээ. За товчхондоо Сүхбаатар аймгийн нэгдүгээр хүн болох Идэрбат, хоёрдугаар хүн гэж өөрийгөө тунхаглаж яваа Хосбаяр, өдгөө Хот байгуулалт барилга, орон сууцжуулалтын сайд Ж. Батсуурь нарын хуулиас гадуурхи газрын асуудлыг нь тус фэйжийг хөтлөгч Сүхбаатар аймгийн иргэн Өлзийтогтох хөндчихсөнд л учир байгаа юм.
Долоон жил иргэнд газар олгогдоогүй байхад, Ж. Батсуурь болон түүний хамаарал бүхий хүмүүсийн авсан газрын тухай мэдээллийг, төрийн нээлттэй мэдээллээс тус аймгийн иргэн Өлзийтогтох дэлгэчихэв. Үүнд нь хамгийн их ундууцаж өөрийнхөө нүүр номоор хэрүүл хийж яваа хүн бол Улсын их хуралд жагсаалтаар сонгогдсон Ж. Батсуурь гишүүн. 
Ихээхэн цухалтай яваа эрхэм гишүүн минь дошоо алдчихгүйн тулд тойрогоо эргээд юун нөгөө их хурал энэ тэр гэдэг нь болчихоод яваа нь үнэн юм билээ. Ухаангүй ноёнд урагшгүй албат гэдэг шиг хамаг булхайг нь хаах үүрэг хүлээсэн, халаас нэгтэй хамууд болох аймгийн засаг дарга М. Идэрбат, Иргэдийн хурлын дарга Д. Хосбаяр үүрэгт ажлаа гүйцэтгэж чадахгүй үнэн арчаагүй байна гэж буусан гэдэг ч мэдээлэл байгаа юм.
Эцэстээ өөрөө олны өмнө ил гарч ирээд түмний төлөө зүтгэх төрийн ажлаа ч умартаад Сүхбаатарчуудад сайн хүний дүрд хувираад ганцаараа салгалж явна даа Батсуурь сайд минь. Сүхбаатар аймагт ямар ч байсан газартай холбоотой асуудал топ бас халуун сэдэв болж байна. Иргэнд олддоггүй газраар их хурлын гишүүн хөлжсөн нь баримтаар батлагдаад, Батсуурийн ургуулсан ургийн модыг нь тас цавчина гэдгээ иргэд сэтгэгдлээрээ хэлээд бичээд эхэлжээ. Салхи эргэж М. Идэрбат, д. Хосбаяр нар сандралтай явна.
Сэтгэгдэл бичих