ОХУ-ын Ерөнхийлөгчийн сонгууль өнөөдөр орон нутгийн цагаар 08:00 цагаас албан ёсоор эхэлжээ.
Ээлжит Ерөнхийлөгчийн сонгуульд ОХУ-ын одоогийн Ерөнхийлөгч Владимир Путин бие даан нэр дэвшиж байгаа бол Либерал ардчилсан намаас Леонид Слуцкий, Оросын Коммунист намаас Николай Харитонов, Шинэ Ард намаас Владислав Даванков нар өрсөлдөж байна. ОХУ даяар нийт 90 мянга гаруй санал авах байранд иргэдийн саналыг хүлээн авч байгаа бөгөөд Ерөнхийлөгчийн сонгуулийн санал хураалт өнөөдрөөс эхлэн гурван өдрийн турш үргэлжлэх аж. Тус улсын Сонгуулийн төв комиссын мэдээллээр сонгуулийн санал өгөх насны 110 сая орчим иргэн эх орондоо амьдарч байгаа бол 1.8 сая иргэн гаднын оронд амьдарч байгаа гэнэ.
Сэтгэгдэл бичих