Л.Гантөмөрийг 21 аймаг дахь АН-ын гишүүд дэмжигчид орон нутагт ирж ажиллахыг шаардав
Аль Ардчилсан нам тэртээх ардчилсан хувьсгалыг авчирч, улс төрийн гол хүчний нэг болсон хууль ёсны нам юм бэ, хэн энэ намыг төлөөлөх хууль ёсны эрхтэй вэ гэдэг асуулт үндсэндээ цэгцэрч цэг тавих шатандаа хүрчээ.
Ингэж хэлэхийн учир нь Л.Гантөмөр гэдэг нь хүн тус намын хууль ёсны институциар баталгаажиж, албан ёсоор сонгогдсон гэдэг нь нэгэнт тодорхой болсонтой холбоотой. Энэ талаар хуульчид цагаан дээр хараар бичсэн хөдөлшгүй зүйл заалтыг үндэслэн маш тодорхой хэлж байна. Л.Гантөмөр дарга яагаад хууль ёсны гэвэл, АН-ыг төлөөлж буй УИХ-ын бүлэг дэх АН-ын бүлэг болон намын төлөөлөл болох АН-ын ҮБХ буюу эрх бүхий дээд байгууллагаар давхар баталгаажиж, тэдний итгэлийг хүлээсэн явдал юм. Ойрхоны түүхийг сөхөж харвал, АН-ын ҮБХ нь 2020 оны УИХ-ын, 2021 оны Ерөнхийлөгчийн сонгуулийг шийдсэн, мөн нөхөн сонгуульд оролцсон. Энэхүү эрх бүхий хоёр институци л АН-ын дарга хэн байхыг шийдэж, хэнийг явуулахаа мөн шийднэ. Тэд ч шийдвэрээ гаргаж Л.Гантөмөрийг АН-ын даргаар сонгосон, өдгөө Улсын дээд шүүх эцэслэх нь ойлгомжтой юм.
Нөгөө талаар 21 аймаг дахь АН-ын гишүүд, дэмжигчид шинэ тутам сонгогдоод буй намын даргаа орон нутагт ирж ажиллахыг шахаж, шаардаад эхэлжээ. Өөрөөр хэлбэл эзэнгүй мэт явж ирсэн энэ нам эзэнтэй болсныг эндээс ойлгож болно.
Сэтгэгдэл бичих