- Хана таазны нь хэмжээ зөрдөг
- 10 м.кв тутамд 1м.кв дутдаг
- Дулааны шугам нь задарч байнга ус дулаан тасалддаг
- Паар нь хагардаг
- Цонх нь дулаан алддаг
- Хана нь салхи сийж өвөл мөстдөг..
Энэ асуудлуудыг алгасая. Харин хүн амьны асуудлуудыг нь дугаарлан тоолоё
- Лифтрүү нь хүүхэд унаж нас барсан
- Барилгаас нь төмөр унаж хүн даруулж үхсэн
- Барилга дээрээс ажилтан нь унаж нас барсан
- Тусгаарлалтын хавтан унаж ажилтан нь эрүүл мэндээрээ хүнд хохирсон
- Туслах ажилтан нь арматур буулгаж байгаад өндөр хүчдэлд цохиулан амиа алдсан
Энэ бүхэн ердөө хуулийн өмнө яллагдагчаар дуудагдсан хэргүүд. Тэгвэл цаана нь мэдэгдээгүй хичнээн хүний амь нас, эрүүл мэндийн асуудал байгаа вэ?
Хүний язгуур эрх АМЬД ЯВАХ ЭРХИЙГ маш олон удаа ноцтойгоор зөрчсөөр байгаа энэ барилгын компани Эко юу гэж танаас ахиад асууя
Энэ бүхэн алдаа биш. Шууд шүүхийн өмнө очиж хариуцлага хүлээж үйл ажиллагаа нь цуцлагдах ёстой. Энд алдаагаа засах, үйл ажиллагаагаа сайжруулах гэдэг ч ойлголт байх ёсгүй. Хуулиараа ч зарчмаараа ч. Эко гэдэг нэрээрээ ч..
Тэгвэл тус компаний захирал С.Нямдаваа нь хуулиас дээгүүр нэгэн бололтой. Яллагдагчаар татагдаж явж байгаад хэрэг нь хар нүхрүү орсон мэт замхардаг. Хэрэг үүрэхдээ тулахад ажилчид нь хэрэг үүрээд С.Нямдаваа нь хариуцлага үүрдэггүй. Хуулийн цоорхойг ч овжин ашиглаад сурсан бололтой. Өдий дайны ширэнгэн ой бий болгох хүртлээ юу эсийг хийж сураа биз. Энэ ширэнгэн ойд нь их түймэр дэгдэхээр цурамлаад байхад ч ажиггүй явсаар.
Ирээдүй болсон үр хүүхэд аюулгүй амьдрах орчин амьд явах эрхээ хамгаалахын тулд гаднаа гял дотроо пал барилгад хөрөнгө оруулах эсэх нь азаар таны сонголт
Эко констракшны барьсан барилгуудыг танд мөн дугаарлан хүргэе.
- “Маршал таун” 216 айл 1000 орчим оршин суугч
- “King Tower-1”
- “King Tower-2” 5000 гаруй оршин суугч
- “Голден парк” хотхон 1150 айл 4000 орчим оршин суугч
Үерийн далан дээр барьсан “Зүүн Сэлбэ” хотхон “X apartment” 4000 гаруй оршин суугч гээд хэдэн мянган оршин суугчдын эрх ашиг хөндөгдөөд байна. Тус компаныг мэргэжлийн хяналтын газар нь ч 3,4 сая төгрөгөөр торгоод өнгөрдөг. Хууль хяналт нь хариуцлага тооцож чаддаггүй иргэд л аргаа барж суудаг нь хэвийн үзэгдэл болоод байна.
Хотын дарга Сумьяабазар “Маршал таун, King Tower орчимд очин сүржин ажлаа хийж байгаагаар олон нийтэд өөрийгөө харуулж байв. 5 гарц гаргана гэж попроод мартагнуулаад өнгөрөв бололтой.
Маршал таун Кинг таур хотхоны 6000 гаруй иргэд өглөө оройдоо зөвхөн хотхоноосоо гарах гэж хашаан дотроо түгжирдэг. Их хотын түргжрэлээс илүү энэ хотхоны түгжрэл асуудал болоод байна уу гэж харахаар байв. Маш олон талбайг үйлчилгээний зориулалтаар түрээсэлсэн бөгөөд зөвхөн хотхоны гэлтгүй тухайн хотхон дахь үйлчилгээний газруудад үйлчлүүлэх гэсэн иргэд мөн цуглардаг. Ингээд 10,000 хол давсан хүн төвлөрдөг болсон. Хамгийн гол хөндөх асуудал нь 1000 айл тутамд нэг нэг цэцэрлэг сургууль байх ёстой бол энэ хотхонд “Монгол Оюун” гэх хувийн ганц сургууль баригдсан.
Бас сарын 400, 500 мянган төгрөгийн үнэтэй хувийн цэцэрлэгтэй. Тухайн үедээ байр авбал сургуульдаа төлбөрийн хөнгөлөлт үзүүлнэ гэж маркетинг хийж байв. Хүн бүр 5,10 сая төгрөг төлөөд хүүхдээ өгөөд байх нь юу л бол. Тэр тусмаа олон хүүхэдтэй айл. Улсын сургууль цэцэрлэг ганц ч байхгүй. Барих боломжтой газар нь одоо ахин барилга бариад эхэлсэн. Ингээд тамын шоо шиг газар болов. Энэ орчмын мянга мянган иргэн мянга мянган хүүхдийн эрх ашгийг бодож байгаа хүн ер нь байна уу
Сэтгэгдэл бичих