Ерөнхий сайд Л.Оюун-Эрдэнэ Хөгжлийн банкны араас “Эрдэнэс Монгол”-ын асуудлыг сөхнө. Нүүрс тээвэрлэдэг автомашинтай гишүүдийн бодит кейс нь УИХ-ын гишүүн А.Адъяасүрэн”хэмээн тодотгон хэвлэлийн хурлаар мэдэгдсэн.
Прокурорын байгууллагаас зөвхөн УИХ-ын гишүүнд төдийгүй түүний үүсгэн байгуулсан, нүүрс тээврийн үйлчилгээ эрхэлдэг нэр бүхий аж ахуйн нэгжүүдийг ч Эрүүгийн хуулийн 22.5-3 дахь хэсэгт заасан “Хахууль өгөх гэмт хэргийг хуулийн этгээдийн нэрийн өмнөөс, хуулийн этгээдийн ашиг сонирхлын төлөө үйлдсэн бол…” гэх үндэслэлээр яллагдагчаар татах тогтоол НПГ-ын хяналтын прокурор баталсан.
УИХ-ын гишүүн А.Адъяасүрэнд холбогдох, НПГ-ын ерөнхий прокурор Ш.Нямдоржийн хэргийг хэрэгсэхгүй болгох тогтоолыг хүчингүй болгосон байна. Ингэснээр А.Адъяасүрэнд дахиад яллагдагчаар татах тогтоол үйлдэж, танилцуулахаар болжээ. Гэвч тэрбээр бас л уг тогтоолтой танилцаагүй байна. Тодруулбал, “хөдөө орон нутагт буюу тойрогтоо ажиллаж байна” гэсэн тайлбар хэлсэн гэнэ.
Тэрбээр өмнө нь яллагдагчаар татах тогтоолтой танилцахгүй байсаар, эцэстээ тухайн үед ажиллаж байсан НПГ-ын ерөнхий прокурор Ш.Нямдоржид хандаж, уг тогтоолыг хүчингүй болгуулах хүсэлт гаргасныг тэрбээр хянаад эрүүгийн хэрэгт А.Адъяасүрэнг яллагдагчаар татсан прокурорын тогтоолыг хүчингүй болгосон.
Сэтгэгдэл бичих