Улаанбаатар хотын түгжрэлийг бууруулах цогц төлөвлөгөөний хүрээнд машин ачилтын төлбөрийг нэмэгдүүлэхээр төлөвлөжээ. Ингэхдээ, автомашин ачилтын төлбөрийг 100 мянга, авто зогсоолын төлбөрийг 2000-3000 төгрөг болгон нэмэгдүүлэх тогтоолын төслийг Нийслэлийн Засаг даргаас НИТX-ын дарга Ж.Батбаясгаланд өргөн мэдүүлсэн байна.
Улаанбаатар хот дахь авто зогсоолыг гурван байршилд хуваах бөгөөд бүсчлэлээс хамааран зогсоолын төлбөрийг ялгавартай тогтоох аж. Одоо жолооч нар нэг цагийн зогсоолын төлбөрт 1000- 2000 төгрөг төлдөг бол авто зогсоол ашигласны төлбөрийн хувь хэмжээг шинэчлэн тогтоосны дараа 2000-3000 төгрөг төлнө.
Ингэж авто зогсоолын төлбөрийг нэмбэл иргэд төлбөр өндөртэй бүсэд хувийн автомашинаа унах нь багасахаас гадна зогсоолд машинаа удаан хугацаагаар тавих нь буурна гэж үзэж байна. Энэ саналыг нөгөөдөр буюу гуравдугаар сарын 24-нд НИТХ-ын хурлаар батлах юм.
Сэтгэгдэл бичих