Тохижилт үйлчлгээний газарт 12 жил ажилласан Н.Батмөнх “Алтан гадас” одонгоор энгэрээ мялаалгасан билээ. Харин түүний хөдөлмөрч, хамт олондоо хүндлэгдсэн байдлыг Монголын ард түмэн уйхайлан тосож, одонгийн найрыг нь хийж өгнө хэмээн амлацгаасан. Харин түүний одонгийн найрыг өнөөдөр “Буган халиун” ресторан 100 хувь даан, амласан ёсоороо үнэгүй хийж өгч байна.
Түүний “Алтан гадас” оногийн найрыг жүжигчин О.Тэмүүжин, X-Tuts продакшны жүжигчин С.Батзориг, Б.Билэгдэмбэрэл /Ивээл/ нар хөтөлж байгаа юм. Энэ үеэр жүжигчин О.Тэмүүжин тоглолт хөтөлж буй сэтгэгдлээ хуваалцлаа.
Тэрбээр “Өнөөдөр гурван хүний одонгийн мялаалга болж байна. Тиймээс Н.Батмөнх ахын одонгийн найран дээр гурван хөтлөгч байя гэж ярилцан, тохиролцсон. Ийм нүдээ олсон шагнал авсанд, хамт олондоо хүндлэгдэж байгаад нь баярлаж энэ тоглолтыг үнэгүй хөтөлнө гээд ам гарсан байсан. Тиймээс үнэгүй хөтөлж байна. Мөн урлагийнхан маань маш идэвхтэй ирж тоглолт хийн, найрыг хөгжөөж байна. Бид чадах чинээгээрээ тэднийг баярлуулахаар хичээж байгаа” гэлээ.
Сэтгэгдэл бичих