АН-ынхан өнөөдөр /2021.10.01/ “Одоо боллоо” уриатай жагсаал зохион байгуулж байна. Гэхдээ энэ жагсаал нь АН-ынхан УИХ-ын нөхөн сонгуульд ялалт байгуулахын тулд нэр дэвшигчдээ ядаж намынхаа нэр хүндээр гаргаж ирэхийн тулд иргэдийн нэрийг барьжээ. Магадгүй цаанаасаа санхүүжилттэй жагсаал ч байж мэдэх юм.
Учир нь УИХ-ын гишүүн Б.Пүрэвдорж намын гишүүдээ хандив өгч, мөнгө босгохыг уриалсан нь олон нийтийн цахим сүлжээнд ил болоод байна.
Тэрбээр намынхаа дотоод хэрэгцээний сүлжээнд: “Сайн байцгаана уу, нөхөн сонгууль үүнтэй холбоотой хийгдэж байгаа жагсаалд зориулж хандив өргөхийг гишүүдээс хүсч байна. Бат-Эрдэнэ, Цогтгэрэл болон миний бие хандив өгсөн байна. Та бүхний анхаарлаа хандуулахыг хүсч байна.” гэж бичжээ.
Уг нь жагсаалын гол зорилго нь цар тахлын эсрэг хангалттай сайн ажиллаагүй учраас иргэд эрүүл мэндээрээ хохирч, эдийн засгийн хүнд байдалд орсныг шүүмжилж, эсэргүүцэл, дуу хоолойгоо нэгтгэх гэж байсан юм. Харамсалтай нь Б.Пүрэвдорж гишүүний “илчилснээр” АН-ынхан ард иргэдийг улстөрийн зорилгодоо ашиглах гэж байгаа ажээ.
Сэтгэгдэл бичих