Хөвсгөл аймагт элэгний хорт хавдар тайрах анхны мэс засал хийжээ.
Тодруулбал, Улсын Нэгдүгээр Төв Эмнэлгийн дэд захирал Ч.Энхболд Хөвсгөл аймагт очиж, хавдар бүхий элэгний баруун дэлбэн тайрах мэс заслыг амжилттай хийсэн байна. Энэхүү мэс засалд Б.Түвшин эмч оролцжээ.
Тэрбээр Хавдар судлалын үндэсний төвийн мэс заслын эмчээр ажиллаж байгаад Хөвсгөл аймгийн удирдлагуудын урилгаар хоймор нутагт ажиллаж буй юм.
Түүний хувьд хорт хавдрын эрт илрүүлэг, оношилгоо эмчилгээг хүн ардад ойртуулж, орон нутагтаа хавдрын нарийн мэргэжлийн эмчилгээ үйлчилгээ авах боломжийг бий болгох зорилго өвөрлөн очсон бөгөөд өнгөрсөн долоо хоногт ХСҮТ-ийн эмч, найз Б.Одбаярын хамт хөхний хорт хавдартай эмэгтэй мэс засал хийсэн билээ.
Сэтгэгдэл бичих