ОХУ-д гарч буй ойн түймрийн утаа өчигдрөөс дахин манай улсын төвийн бүсийн аймгууд, нийслэл хотыг дахин бүрхээд байна. ОХУ-ын Сибирийн түймэр Монгол Улсын хилийг давж ирэн xoxиpoл yчpyyлж байсан удаатай. Тэгвэл энэ удаагийн түймрийн утаа Завхан, Хөвсгөлийн нутгаар тархаад байсан бол ахин Улаанбаатарт орж ирсэн байна.
Энэ талаар Цаг уур, орчны шинжилгээний газрын Зайнаас тандан судлалын хэлтсийн мэргэжилтэн Б.Аманжогоос тодруулахад, “Өчигдөр Завхан, Хөвсгөл, Увс аймгийн нутгаар байсан утаа орж ирж байна. Салхиныхаа чиглэлээр зүүн тийшээ явах байх. Түймэр манай оронд орж ирэхгүй. Үдээс хойшдоо Улаанбаатар орчмоор өтгөрж магадгүй” гэв.
Үүний улмаас Улаанбаатарт агаарын чанар муудаж эрүүл мэндэд с.ө.р.ө.г нө.лөө ү.з.үү.лэх хэмжээнд хүрчээ.
Түймрийн утаа Хөвсгөл, Эрдэнэт, Дархан-Уул, Булган аймгийн нутаг дэвсгэрийг мөн бүрхээд байна.
Өнөөдрийн байдлаар ОХУ-ын Краснаярск хотод агаарын бохирдол хамгийн өндөр байгаа бол Улаанбаатар хот 4 дугаарт эрэмбэлэгджээ.
Европын Холбооны агаар мандлыг судлах Copernicus төслийн вэб сайтаас үзвэл Якутын түймрийн утаа энэ долоо хоногийн дунд хүртэл Монгол Улсын газар нутгийн төв болон зүүн хэсгийг бүрхэх төлөвтэй байгаа юм.
Сэтгэгдэл бичих