СХД: Нийслэлийн удирдах ажилтны шуурхай зөвлөгөөн

Долоо хоног бүрийн нэгдэх өдөр Нийслэлийн удирдах ажилтны шуурхай зөвлөгөөн болдог билээ. Өнөөдөр Нийслэлийн Засаг дарга бөгөөд Улаанбаатар хотын захирагч Д.Сумъяабазар, төвийн зургаан дүүргийн Засаг дарга болон хэлтэс, албадын дарга нарын шуурхай зөвлөгөөн Баянзүрх дүүрэгт боллоо.Коронавируст халдварын нөхцөл байдал хүндэрч халдвар авах иргэд буурахгүй байгаа энэ үед яаралтай хариу арга хэмжээ авах талаар зөвлөлдлөө.Хурлаар Хотын захиргааны шинэ байрыг Коронавирусын халдвар авсан жирэмсэн эхчүүдийг хүлээн авах түр эмнэлэг болгож, ор дэлгэлт яаралтай хийхийг Нийслэлийн Засаг дарга бөгөөд Улаанбаатар хотын захирагч Д.Сумъяабазар Нийслэлийн Эрүүл мэндийн газарт үүрэг болголоо.