СХД-ийн хэмжээнд 98498 иргэн дархлаажуулалтанд хамрагдсан байна

Сонгинохайрхан дүүргийн хэмжээнд өчигдөр /2021.04.25/ 806 эрүүл мэндийн ажилтан иргэдэд эрүүл мэндийн тусламж үйлчилгээг 24 цагаар тасралтгүй түргэн шуурхай хүргэн ажиллалаа.

Үүнд, СХДЭМТ – 355, Салбар 2 амбулатори, 43 хорооны өрхийн эрүүл мэндийн төвд 398 болон резидэнт 53, хувийн хэвшлийн 12 эрүүл мэндийн ажилтан үүрэг гүйцэтгэв.

Өчигдөр /2021.04.25/ байнгын дархлаажуулалтын 18 цэгт нийт 270 хүний бүрэлдэхүүнтэй 18 баг, 2 явуулын 4 автобусанд 8 хүний бүрэлдэхүүнтэй багууд тус, тус ажиллаж 9472 иргэнийг дархлаажуулалтанд хамрууллаа. Дүүргийн хэмжээнд нийт 98498 иргэнийг дархлаажуулалтанд хамруулсан байна.
Мөн СХДЭМТ-өөс 8 хүний бүрэлдэхүүнтэй явуулын 2 баг 485 иргэнээс PCR /ПГУ/ шинжилгээ авсан, явуулын автобус тандалтын баг номин худалдааны төвийн үүдэнд 4 хүний бүрэлдэхүүнтэй баг 200 иргэнээс шинжилгээ авсан, нийт 685 иргэнийг шинжилгээнд хамрууллаа.