Global Fire Power /GFP/-аас гаргадаг судалгаагаар Монгол улсын цэрэг армийн хүч 2021 онд 140 орноос 101-т жагсжээ. GFP-ын индексээр 0.0 гэсэн тоог төгс гэж үздэг бөгөөд Монгол улсын индекс 2.4284 байгаа юм.
Энэхүү индексээр АНУ дэлхийд тэргүүлдэг бол ОХУ, Хятад, Энэтхэг, Япон, Өмнөд Солонгос, Франц, Их Британи улсууд удаалжээ. Харин Statista-гаас гаргасан хамгийн их цэрэгтэй улсуудын жагсаалтыг 2 сая 185 мянган идэвхтэй цэргийн алба хаагчидтайгаар Хятад улс тэргүүлжээ.
Уг индексийг тухайн орны Хүн амын тоо, Идэвхтэй цэргийн тоо, Цэргийн алба хаах боломжтой хүн ам, Цэргүүдийн дундаж нас, Нөөц цэргийн тоо, Нисэх онгоц, нисдэг тэрэг, усан онгоц, гинжит болон дугуйт техникийн тоо, Нисэх буудлын тоо, Нутаг дэвсгэрийн хэмжээ, Гадаад валютын хэмжээ, Батлан хамгаалах яамны төсөв, Нийт төмөр замын урт, Газрын тосны нөөц Усан зам зэргийг харьцуулан үзэж жагсаадаг байна.
Идэвхтэй цэргийн алба хаагчдын тоогоор тэргүүлэгч орнууд:
Хятад – 2,185,000
Энэтхэг – 1,445,000
АНУ – 1,400,000
Умард Солонгос – 1,300,000
ОХУ – 1,014,000 зэрэг улсууд багтдаг байна.
Эх сурвалж: GFP, Statista
Сэтгэгдэл бичих