УИХ-ын гишүүн асан, “Жорлонгоо өөрчилье” төслийн санаачлагч Ц.Оюунгэрэл АН-ын даргын сунгаанаас нэрээ татсан гэх мэдээлэл байна. Ардчилсан намын даргад өрсөлдөх нэр дэвшигчид дэнчингийн мөнгө “босгох” шаардлага үүссэн юм. Ц.Оюунгэрэл “Энэ бол мөнгөтэй хүмүүст өрсөлдөх боломжийг олгосон зохицуулалт” гэж шүүмжилж байсан удаатай. Гэвч тэрбээр намын гишүүд, дэмжигчид иргэдийн тусламжтайгаар дэнчингээ хандиваар амжилттай босгосон. Тэрбээр өчигдөр АН-ын даргын сунгааны хоёр данс байна. Аль дансанд нь дэнчингийн мөнгөө байршуулах нь ойлгомжгүй байна хэмээн мэдэгдэж байсан нь түүний нэрээ татах шалтгаан нь болсон уу гэлтэй. Ц.Оюунгэрэлийн нэр дэвшсэн хэсэг нь Ц.Тувааны талынхаас явуулж буй намын даргын сунгаа юм.
Тэр нэрээ татсанаар УИХ-ын гишүүн О.Цогтгэрэл, Ж.Сүхбаатар, МҮХАҮТ-ын ерөнхийлөгч О.Амартүвшин, нийслэлийн АН-ын дарга асан Д.Пүрэвдаваа болон намын залуу гишүүн С.Эрдэнэболд нарын таван хүн үлджээ.
Ц.Оюунгэрэлийн хувьд дэнчингийн 94 сая төгрөгөө иргэдээс босгосон билээ. Сүр дуулиан болж энэ хэмжээний мөнгийг иргэдээс хандив нэрээр авчихаад эргүүлж өгдөг юм болвуудаа ?
Сэтгэгдэл бичих